देहाच्या या मंदिरात आत्माराम नांदतो

देहाच्या या मंदिरात आत्माराम नांदतो I

सद्गुरूच्या ज्ञानाने आत्मा कसा  डोलतो II

येत नाही जात नाही देहा मध्ये राहतो I

खात नाही पीत नाही स्थिर कसा राहतो II ०१II

तोंड नाही तरी कसा पुटु पुटू बोलतो I

डोळे नाही तरी  कसा टूळू टुळू बघतो II ०२II

हात पाय नाही याला पायाविन चालतो I

कान नाक नाही याला काना विन ऐकतो II ०३ II

रचना आणि गीतकार

*परमभक्त सुधामती नाडे मुरुड*